An méid a dhéanann an tAontas Eorpach
Is iad an taighde agus an nuálaíocht cnámh droma fhís an Aontais todhchaí iomaíoch athléimneach inbhuanaithe a bhaint amach. Spreagann an méid sin cumas na hEorpa dul i ngleic le dúshláin dhomhanda, poist a chruthú agus saol daoine a fheabhsú.
Trí mhaoiniú ón gclár Fís Eorpach agus trí chomhordú laistigh den Limistéar Eorpach Taighde, tugann an tAontas de chumhacht do thaighdeoirí, do ghnólachtaí agus do nuálaithe a gcuid smaointe a fhíorú, agus réitigh phraiticiúla a dhéanamh den eolas a rachaidh chun tairbhe do na saoránaigh.
Is iad seo a leanas príomhchuspóirí beartais taighde agus nuálaíochta an Aontais:
- iomaíochas na hEorpa a neartú trí theicneolaíochtaí ceannródaíocha a chothú, trí thacú le gnólachtaí nuathionscanta agus gnólachtaí atá i mbun fáis, agus trí bhorradh a chur faoin gceannaireacht thionsclaíoch in earnálacha straitéiseacha
- dlús a chur leis an aistriú glas agus leis an aistriú digiteach trí réitigh a fhorbairt le haghaidh na haeráidneodrachta, an fhuinnimh ghlain, an gheilleagair chiorclaigh, na hintleachta saorga, na ríomhaireachta candamaí agus na cibearshlándála
- tacú leis an tsláinte agus leis na heolaíochtaí beatha trí nuálaíocht leighis a spreagadh, cosc galar a fheabhsú, agus athléimneacht in aghaidh géarchéimeanna sláinte a mhéadú tríd an mbith-theicneolaíocht agus trí eolaíochtaí beatha
- slándáil agus athléimneacht a chinntiú trí infheistíocht a dhéanamh i dteicneolaíochtaí criticiúla, sa chibearshlándáil agus san ullmhacht i gcomhair géarchéimeanna
- barr feabhais taighde agus comhar domhanda a chur chun cinn tríd an Limistéar Eorpach Taighde (LET) a threisiú, trí chomhpháirtíochtaí idirnáisiúnta a leathnú, agus tríd an mbonneagar taighde a fheabhsú
Fíricí faoi thaighde agus nuálaíocht
Réimsí gníomhaíochta
Féach leat an dóigh a bhfuil an intleacht shaorga á cur chun feidhme san fhorás eolaíoch.
Tuilleadh eolais faoin dóigh a dtacaíonn an tAontas le taighde agus nuálaíocht bhithgheilleagair
Féach leat conas a fheabhsaíonn taighde agus nuálaíocht éifeachtúlacht an fhuinnimh in-athnuaite agus conas a fhorbraíonn siad teicneolaíochtaí le haghaidh todhchaí níos glaine
An aeráidneodracht a bhaint amach, agus forbairt inbhuanaithe a chur chun cinn trí eolaíocht, infheistíocht agus gníomhaíocht chomhchoiteann
Tuilleadh eolais faoi chórais bhia inbhuanaithe
An tsláinte a chur chun cinn trí nuálaíocht, leigheas pearsantaithe agus teicneolaíochtaí ceannródaíocha
Aistriú tionsclaíoch inbhuanaithe trí thaighde agus nuálaíocht
Infheistíochtaí sa rialachas daonlathach, san oidhreacht chultúrtha, agus i gclaochluithe sóisialta agus eacnamaíocha
An t-iompar a chlaochlú chun spriocanna aeráide a bhaint amach
Na príomhéachtaí
- Tá eolaithe a fuair maoiniú ón Aontas tar éis cur leis an dul chun cinn ceannródaíoch atá déanta maidir le cóireáil ailse, leigheas pearsantaithe agus forbairt vacsaíní.
- Chuidigh an Chomhairle Nuálaíochta Eorpach le gnólachtaí nuathionscanta teicneolaíochtaí claochlaitheacha a thabhairt chun an mhargaidh, ó réitigh hidrigine glaise go dtí an intleacht shaorga den chéad ghlúin eile.
- Spreag an taighde dul chun cinn maidir le stóráil fuinnimh agus teicneolaíochtaí in-athnuaite den chéad ghlúin eile, rud a laghdaíonn spleáchas na hEorpa ar bhreoslaí iontaise.
- A bhuí le taighde agus nuálaíocht an Aontais, bhíothas in ann ábhair thógála aeráidneodracha, réitigh geilleagair chiorclaigh agus próisis thionsclaíocha ísealcharbóin a shaothrú.
- Tá dul chun cinn déanta ag tionscadail a fhaigheann maoiniú ón Aontas maidir leis an gcibearshlándáil, rialachas IS agus bonneagar sonraí slán chun ceannasacht theicneolaíoch a chinntiú.
Sa spotsolas
An tseachtain seo, seoladh ardán nua de chuid an Aontais chun tacú le nuálaithe agus le gnólachtaí nuathionscanta ar fud na hEorpa. Pointe iontrála lárnach a bheidh in Ardán Nuálaíochta an Aontais, agus cuideoidh sé le nuálaithe atá ag lorg tacaíochta a gcuid smaointe a thabhairt níos gaire don mhargadh trína nascadh leis na seirbhísí ábhartha atá ar fáil nó le glaonna maoiniúcháin.
Nuashonraíodh an leathanach seo den uair dheireanach an 9 Meitheamh 2026